اكتر حاجة بتوجع أى ست هى العشم بزيادة، العشم فى أن الراجل اللى اختارته يكون جوزها وسندها وأبو أولادها يبقى واقف فى ضهرها يدعمها فى كل موقف تكون ضعيفة فيه يكون سور بتتحامى فيه من أى عواصف جاية على حياتها، يكون الأيد إللى تطبطب عليها لما الدنيا تيجى عليها بالجامد، يكون الحضن إللى تدفن فيها راسها وتخبى فيه دموعها لما تنهار دنيتها يكون البلسم إللى يداوى صدمتها فى قريب او صديقة او زميلة او او او، يكون الجبل إللى تركن عليه لما تخلص طاقتها وقوتها، لكن لما بتعدى عليها مواقف صعبة ولا تلاقيه سور ولا جبل ولا حضن ولا حتى نافع يكون جوز شرابات يدفوا رجليها من برد الشخص بيبقى جواها مرارة وكسرة نفس ووجع مش من كل صعوبات الحياة لا من خذلان الشخص اللى اتعشمت فيه بزيادة
